Слёт радиолюбителей ,,Вольница-2022'',Белыничский район.

[eu7al]

..................................

[eu7al]

..................................

[EW4GBC]

От нас тоже хорошего настроения.

[EW7BA]

Освещение слета от редакции местной газеты «Зара над Друццю»

ВІТАЕ ВОЛЬНІЦА!

На хвалях сусветных зносін

У мінулыя выхадныя наш раён сустракаў удзельнікаў злёту радыёаматараў у вёсцы Вольніца з усіх куткоў Беларусі, а таксама Смаленска (Расійская Федэрацыя) і Германіі. Восьмы год ладзіцца гэта мерапрыемства пры падтрымцы мясцовых органаў выканаўчай улады, арганізацый і прадпрыемстваў Прыдруччыны.

Хто трапіў сюды ўпершыню і ніколі не цікавіўся радыётэхнікай і працэсамі перадачы і прыёму інфармацыі, не адразу зразумеюць, што адбываецца на беразе жывапіснага возера, калі пад сцягам Беларусі развёрстваецца радыёстанцыя (пазіцыя КВ-радыёсувязі) і дзясяткі людзей з «хэндзікамі» (свайго роду рацыя, у перакладзе з нямецкай мовы «мабільны тэлефон» – заўв. аўт.) звяртаюцца адзін да аднаго не па імені ці прозвішчы па бацьку, а ў большасці сваёй так: EW2А, EU7LA, EW2BA, EW1I і г.д.

Ёсць тут і пастаянныя ўдзельнікі злёту, а таксама тыя, хто адносна нядаўна запісаўся ў шэрагі аматараў такога віду спорту. Так, сямейная пара Вольгі і Дзмітрыя ДАЛІДЧЫК з Лагойскага раёна ўпершыню прыехалі на злёт разам. Дагэтуль папярэднія два гады Дзмітрый адзін быў удзельнікам мерапрыемства. А зараз жонка вырашыла падтрымаць захапленне сваёй палавінкі.

Арганізатары і прадстаўнікі прымаючага боку Вячаслаў АСТАФ’ЕЎ і Ларыса ЖУРАВОВІЧ выказалі падзяку раённаму выканаўчаму камітэту, сектару спорту і турызму райвыканкама, лясгасу, ПМК-82, ААТ «Бялынічы» і «Новая Друць», райста, якія кожны па сваіх магчымасцях дапамаглі ў добраўпарадкаванні мясцовасці каля возера, забяспечылі харчаваннем, садзейничалі ў правядзенні спаборніцтваў па рыбнай лоўлі, шашках, дартсу, стральбе з пнеўматычнай вінтоўкі, колцы дроў.

Прыемным момантам адкрыцця злёту «Вольніца-2022» стала ўручэнне ўзнагарод адкрытых рэспубліканскіх спаборніцтваў па радыёсувязі на кароткіх хвалях і першынства Мінскай вобласці.

Аляксандр САВУШКІН, старшыня Беларускай федэрацыі радыёаматараў і радыёспартсменаў:

– Асноўнай мэтай такіх злётаў з’яўляюцца жывыя зносіны з абанентамі, якія да гэтага часу знаходзіліся дзясяткі і сотні тысяч кіламетраў. І часам мы не ведаем іх імён, а толькі пазыўныя. Гэта чарговая магчымасць сустрэцца з сябрамі і пазнаёміцца з новымі аматарамі радыёспорту. Геаграфія такога захаплення – увесь зямны шар. Увогуле, радыёаматары і спарстмены займаюцца пошукам новых крыніц сувязі па сродках вырабу розных прыстасаванняў для перадачы і прыняцця сігналаў. Спаборніцтвы ў тым і заключаюцца – правесці як мага больш сувязей, знайсці карэспандэнтаў на выдзеленых частотных палосах.

Наш раён на спаборніцтвах радыёаматараў і спартсменаў, а таксама ў названых вышэй відах спорту прадстаўлялі:

Ігар ДУХОВІЧ:

– Прыкладна з 1984 года я захапляюся радыёсувяззю і ўсім, што з ёй звязана. Ужо ў восьмым класе ў мяне быў дазвол трэцяй катэгорыі. Усю апаратуру, якая зараз маецца ў мяне і якой карыстаюся, сабраў сам. Нельга сказаць, што гэта танны від спорту, але жаданне ім займацца пераадольвае. На папярэднім месцы працы я непасрэдна займаўся з дзецьмі авіамадэліраваннем і вёў заняткі ў радыётэхнічным гуртку.

Сямейная пара Сяргея і Алесі Клімавых (на фота злева і справа, у цэнтры – сяброўка Святлана ГАРАЎЦОВА) наведваюць злёты з самага пачатку іх правядзення. Захапленне радыёспортам у іх сямейнае. Алеся – дачка Вячаслава Астаф’ева. Яна ўдзячна бацьку, што ён з дзяцінства дэманстраваў ёй сваю любоў і павагу да радыётэхнікі і ўсяго, што з ёй звязана. Падабаўся працэс канструявання прыбораў, антэн і знаходжанне знаёмых у розных кутках нашай планеты.

Аляксандр і Алена АСТАФ’ЕВЫ.

У гэтай сям’і захапляюцца не толькі радыёспортам, але і іншымі відамі баўлення вольнага часу і вядзення здаровага ладу жыцця. Аляксандр разам з жонкай Аленай з аграгарадка Цяхцін на сваёй дачы на колах і дзвюма дачушкамі прыехалі таксама паўдзельнічаць у спаборніцтвах па рыбнай лоўлі і чарговы раз акунуцца ў атмасферу цёплых сяброўскіх узаемаадносін і дасягненняў аматарскай радыётэхнікі.

Наталля БАРОДЗЬКА.

[EW7DDW]

Все было очень здорово! Очень позитивно!) Дождь совсем не испортил настроение) Большое спасибо всем организаторам и участникам за ту теплую атмосферу!) Свободного времени просто не было) Стрельба...соревнования на УКВ...уха...концерт...вечер с песнями у костра... Хочется скорейшего повторения)

[EU1AD]

Все было очень здорово! Очень позитивно!) Дождь совсем не испортил настроение) Большое спасибо всем организаторам и участникам за ту теплую атмосферу!) Свободного времени просто не было) Стрельба...соревнования на УКВ...уха...концерт...вечер с песнями у костра... Хочется скорейшего повторения)

Камеры видеонаблюдения настоящие или муляжи?..

[EW7BA]

Фото от редакции местной газеты «Зара над Друццю»

...

[EW7BA]

Фото от редакции местной газеты «Зара над Друццю» (продолжение)

...

[EW7BA]

Фото от редакции местной газеты «Зара над Друццю» (продолжение)