Калі ўмовы надвор’я дазволяць то 4 мая з аэрадрому Глівіцкага аэраклубу непадалёк ад Кракава будзе запушчаны стратасферны паветраны шар SEBA-1 “Stratosferyczny Eksperymentalny Balon Amatorski”. Гэта будзе спроба пабіцця рэкорду свету ў вышыні безпілотнага палёту паветранага шару, якая зараз складае 44,3 км над узроўнем мора. Старт адбудзецца у рамках праекту “З Глівіц у космас”, рэалізуемага з чэрвеня 2012г. Падрыхтоўка да старту ішла ўсю зіму. Адбылося некалькі тэставых палётаў, якія дазволілі пратэставаць электроніку і праграмнае забяспячэнне. Перадатчык, які змешчаны ў капсуле будзе ў рэальным часе на дыяпазоне 70 см перадаваць дадзеныя аб актуальнай пазіцыі, вышыні, тэмпературы звонку капсулы і напружанні батарэі. Прыём будзе рэалізаваны дзясяткамі радыёаматараў па ўсёй Еўропе. Атрыманыя дадзеныя будуць дасылацца праз Інтэрнет да цэнтральнага сэрверу, дзе кожны зможа іх паглядзець па адрасе http://spacenear.us/tracker/?filter=SP9UOB
Найбольшая праблема з якой трэба будзе сутыкнуцца падчас місіі гэтага тыпу- гэта маса карыснага грузу і яго тэрмічная ізаляцыя. На гэтай вышыні пануе ўжо практычна касмічны вакуум, а таксама тэмпературы дасягаючыя -70 градусаў. Латэксавы паветраны шар напоўняць вадародам, і падчас старту ён будзе складаць у дыяметры 2м. З узростам вышыні розніца ў ціску будзе разцягваць латэксавую абалонку да дыяметру больш за 20м. Пасля чаго паветраны шар разарвецца, а капсула ўпадзе на Зямлю на маленькім парашуце. Пошук капсулы не плануецца з прычыны вялікай адлегласці паміж месцамі старту і прызямлення. Да сёння не ўдалося знайсці дзвух капсул з папярэдніх запускаў. Прычым месца знаходжання адной з іх вядомае- 30 мятровая яліна ў запаведніку у Славакіі, але магчымасці яе зняць няма. Другая капсула знаходзіцца праўдападобна ў Чорным моры, астатнія былі знойдзеныя пашуковай камандай або выпадковымі мінакамі.
Тэлеметрычны перадатчык, змешчаны ў капсуле паветранага шару з моцай 10 мВт (вага 37
грамаў) будзе працаваць тэлетайпам RTTY на частаце 437.600 МГц USB (+/- 10 кГц) 50
bod, shift 470 Hz, 7n1. Для прыёму тэлеметрыі трэба выкарыстаць праграму dl-fldigi. Інструкцыя па канфігурацыі знаходзіцца на старонцы http://sp9uob.verox.pl/rtty_tracking.html Запрашаем да прыёму і дасылання тэлемэтрыі.
Традыцыйна для ўсіх станцый, якія прышлюць QSL картку- спецыяльная картка QSL. Для
станцый, якія прымуць і дашлюць звесткі аб рэкорднай вышыні- спецыяльны дыплом, выдадзены акадэмічным радыёаматарскім клубам SP9PDF.
Крыніца: http://amsat-uk.org/2013/04/27/three-437-mhz-ham-radio-balloons-to-launch-from-poland/
