SP6LB SK

3 лютага 2015 г. ва ўзросце 86 гадоў пасля доўгай хваробы памёр Здзіслаў Бенькоўскі SP6LB – выхаваўца пакаленняў польскіх радыёаматараў, аўтар кніг, артыкулаў, шматлікіх радыёаматарскіх канструкцый, шматгадовы сябар прэзідыюму польскага саюзу радыёаматараў (PZK), старшыня польскага клубу UHF, менэджэр UHF пры PZK, каардынатар UHF рэпіцераў Польшчы.
Біяграфія Здзіслава гэта адбітак паваеннай гісторыі польскага радыёаматарства. Як чалавек вялікай харызмы, моцнага характару, надзвычайнай творчасці і працавітасці ён зрабіў вялікі ўплыў на дзейнасць польскага, а таксама сусветнага радыёаматарства на працягу больш за 60 гадоў. Пачатак ягонай радыёаматарскай дзейнасці сягае 40-х гадоў 20 ст., калі ён стаў актыўным сябрам Лодзкага аддзелу PZK, удзельнічаў у стварэнні радыёаматарскага клубу пры Лодзскім палітэхнічным інстытуце. Пазыўны SP7LB атрымаў у 1952 г., па пераездзе у 1959 годзе ва Ўроцлаў актыўна працаваў пазыўным SP6LB. Удзельнічаў як дэлегат у з’ездах PZK у 1950-2005 г.г. Адзін з заснавальнікаў (1956) і шматгадовы старшыня польскага клубу UHF. Правёў першую у Польшчы сувязь у дыяпазоне 23 см (1977). У 1978 годзе запраектаваў і ўвёў у масавую вытворчасць антэну Ягі, вядомую як “антэна SP6LB”, у гэтым самым годзе выдаў кнігу “Аматарскія антэны КХ і УКХ”. Праз 10 гадоў (1988) выйшла ягоная другая кніга “Параднік УКХ”. Гэтая кніга і параднік дазволілі сотням радыёаматараў актывізавацца на ўльтра-кароткіх хвалях. Шмат гадоў публікаваў артыкулы у часопісах „Krótkofalowiec Polski”,„Radioelektronik”, „Świat Radio”. Прадстаўляў PZK на канферэнцыях 1-га рэгіёну IARU у Майдэнхед(Англія, 1980 утварэнне сістэмы WW лакатараў), Дэ Хаане (1993), Вене (1995 і 1998), Тэль-Авіве (1996), Лілехамэры (1999), Сан-Марына (2002), Давасе(2005). Узнагароджаны Кавалерскім Крыжам у 1985г., узнагародамі PZK. Актыўна працаваў у асяроддзі, дзе жыў. Быў шматгадовым старшынёй аддзелу PZK у Еленей Гуры. Навучыў сотні новых радыёаматараў на шматлікіх курсах, падчас УКХ спаборніцтваў, сустрэчаў лакальных і рэгіянальных. Пахаваны ва Ўроцлаве.
https://pzk.org.pl/news.php?readmore=3342
http://pk-ukf.org.pl/news.php
https://www.youtube.com/watch?v=C9eBKoFFxvY